Nominera til nivå 2
Ønsker du å nominere ein publiseringskanal til nivå 2, må du bruke kommentarfunksjonen. Du skal ikkje bruke forslagsskjemaet. For at du skal kunne nominere ein publiseringskanal til nivå 2, må publiseringskanalen først ha nivå 1.
Korleis nominere til nivå 2
For å nominere til nivå 2, må du først logga deg inn i Kanalregisteret.
1. Søk opp den publiseringskanalen du ønsker å nominere til nivå 2.
Klikk deg inn på publiseringskanalen si informasjonsside i Kanalregisteret.
2. Rull nedover til du ser «Ny kommentar».
Klikk på «Ny kommentar» og huk av for «fagleg kommentar».
3. Skriv argumenta dine for kvifor publiseringskanalen bør opp på nivå 2.
Når du trykker på «Send inn kommentar», vil fagutvalet kunne sjå kommentaren i NPI, som er verktøyet fagutvala bruker i nomineringa til nivå 2. Kommentaren din blir offentleg.
Du går fram på same måte dersom du meiner ein publiseringskanal bør settast ned frå nivå 2 til nivå 1.
Kva som skal til for å bli ein publiseringskanal på nivå 2, finn du under overskrifta Nivå 2.
Når føregår nomineringa
Nomineringa til nivå 2 startar i august. For å vere sikker på at kommentaren din blir tatt omsyn til, bør du derfor registrere fagkommentaren din innan midten av august.
Dei ulike publiseringskomitéane innanfor kvart fagfelt har ansvaret for å nominere til nivå 2. Fram til oktober/november, avhengig av når dei vel å ha sitt nomineringsmøte, vurderer dei publiseringskanalane innanfor sitt fagfelt og lagar eit nomineringsforslag.
Nomineringsforslaga vert vurdert av Det nasjonale publiseringsutvalet i møtet sitt i byrjinga av desember.
Når trer nivå 2 i kraft
Nivå 2 har ei forseinking på to år. Det vil seia at resultatet av inneverande års nivå 2-nominering først vil tre i kraft om to år. Det same gjelder dersom ein publiseringskanal vert sett ned frå nivå 2 til nivå 1.
Du vil i nivåtabellen til publiseringskanalen sjå nivået to år fram i tid, dersom publiseringskanalen har vorte godkjent for nivå 2 eller vert vedtatt å settast ned frå nivå 2 til nivå 1.
Slik vert nivåa vekta
| Publikasjonsform | Nivå 1 | Nivå 2 |
|---|---|---|
| Monografi | 5 | 8 |
| Artikkel i periodika og serier | 1 | 3 |
| Artikkel i antologi | 0,7 | 1 |